2012年11月10日星期六
2012年10月13日星期六
內有不雅照片不喜勿入
唔埋喇....食左敏敏醫生上次比我D藥先.
今日隻腳板好好多喇. 冇咁多紅點又冇咁痕喇. 不過今日都係要繼續食藥.
2012年10月7日星期日
2012年9月29日星期六
視網膜穿孔3
話咁快就到左11日下午喇....去到TM做好哂登記等等等手續.
檢查好眼睛又係係到等等等....姑娘幫我滴左眼藥水又係等等等...... 終於個多小時候可以比醫生睇睇喇... ....以下是檢查完對話..
美少女醫生 : 唔得喇, 我要立刻幫你做手術喇. 因為你見到你有2個孔又開始入水喇.
本小姐 : 吓????而家???? 係呢到????
美少女醫生 : 係呀, 不過你要等等我, 我要做完哂嘢先幫你做. 我寫好資料等你去3樓找姑娘安排.
本小姐 : 哦????? ( 基本我係肉從砧板上, 安全冇嘢講. 唯有等)
就係咁我攞住醫生寫既資料去3樓找姑娘. 安排好哂...係到等....................................................................................................................等等等...
終於 等到....5:45分....美少女醫生來喇...
美少女醫生 : 千其唔好旭呀, 如果唔係會盲架. 唔洗理D光.
本小姐 : ( 完全冇聲出)
美少女醫生 : ( 係咁做...係咁做... ) 好喇.. 做完一個孔喇, 而家幫做第二個孔喇. 又係唔好旭喎..
本小姐 : ( 又係完全冇得出聲)
話咁快...
美少女醫生 : 好喇....做完喇. 記得唔好做劇烈運動呀.
本小姐 : 哦...
美少女醫生 : 我想你早D返來覆疹呀, 不如咁13日返來喇. 得唔得呀..
本小姐: ( 唔通我話唔得咩. ) 哦...好呀冇問題. 唔該你喎.
美少女醫生 : 13 日記得返覆疹呀.
就係咁成過過程用10分鐘. 走既時候6:00, 不過...個頭好痛, 對眼好花....盲中中走左食左碗麵, 食左碟菜. 因為好鬼肚月我. 盲中中咁返屋企喇...
2012年9月22日星期六
視網膜穿孔2
話說FAX 去TM結果係.....請看圖????? 唔係呀????? 盲鬼左都未到喇....咁....死死氣放工去找肥嘟嘟醫生喇...以下是同姑娘對話...
本小姐 : 姑娘我想約時間做手術呀...
姑娘 : 你想幾時呀...
本小姐 : 下星期六, 可以唔可以呀..
姑娘 : 唔得喎...肥嘟嘟返星期一至星期五早上, 只可以呢段時間幫你做...你挸邊日呀..
本小姐: ?????? ( 唔係呀, 岩岩過左個星期六先見完肥嘟嘟, 唔通我真係見XXXXX?????)
姑娘 : 小姐你挸邊日呀????
本小姐: 咁....下星期一喇...
姑娘 : 好喇....咁你下星期一早上10:30AM 到來, 等我幫滴眼藥水先.
本小姐 : 哦...知道. ( W@%$^%^#@)
不過....原來世界好奇怪, 係4日下午收到一個來歷不明電話, 最奇怪係我聽左呢個電話?????? 以下是對話..
電話來人: 請問XXX 呀..
本小姐: 係呀...邊位呀...
電話來人: 我地係TM打過來, 約你11日下午2:00 過來見醫生.
本小姐 : 吓????? 11 日 下午2:00?????
電話來人：到時載埋預約信, 醫生紙, 身份証, $100 過來就可以喇..
本小姐 : 哦...咁好喇..
收綫後...頭頂全部都係??????
不過約左肥嘟嘟10日做手術, 要諗諗計取消先, 見完TM醫生再決定.
( 終於係8日早上致電肥嘟嘟話病左, 要取消. 姑娘仲話等你好番先再約過喇..哈哈哈...奸計得逞 )
視網膜穿孔1
話說某日隻左眼唔知點解見到閃光, 又咁岩係農曆7月, 唔通真我隻左見到XXXXX????? 不如咁....約個眼科醫生睇睇....就9月1日我就見左肥嘟嘟醫生喇.... 唔睇尤至何????一睇就....冇...不過
視網膜穿孔要做激光手術. 好小事, 喇....寫埋信比你去政府排期. 喇....我幫你做要$6000 手術費.
不過一定要做手術如果唔係會有機會視網膜脫落. 去政府排左期先喇, 睇下你點決定喇.... 最緊要而家唔好做運動住. 吓...醫生咁瑜珈得唔得呀. 佢居然咁答我, 你想視網膜甩咪做囉....
哦....成個過程我都冇咩出過聲, 因為我唔識只有佢講. 唯有攞住佢封信去掛期.....
咁.......係星期一我就FAX 過 TM 醫院 排期, 等TM 覆喇, 頂.....唔覆好地地一覆就......
下回分解
訂閱：
文章 (Atom)